Падзеі

Лукашэнка і Жапараў абмеркавалі актуальны стан і перспектывы супрацоўніцтва Беларусі з Кыргызстанам

Фота з архiва

23 студзеня, Мінск /Кар. БЕЛТА/. Актуальны стан і перспектывы супрацоўніцтва Беларусі з Кыргызстанам абмеркаваны ў час тэлефоннай размовы кіраўніка беларускай дзяржавы Аляксандра Лукашэнкі з Прэзідэнтам Кыргызстана Садырам Жапаравым, якая адбылася 23 студзеня. Аб гэтым БЕЛТА паведамілі ў прэс-службе Прэзідэнта Беларусі.

Лідары краін абмяняліся віншаваннямі з выпадку 30-годдзя ўстанаўлення дыпламатычных адносін паміж Беларуссю і Кыргызстанам.

Аляксандр Лукашэнка і Садыр Жапараў адзначылі істотны рост аб'ёмаў гандлёва-эканамічнага супрацоўніцтва па выніках 2022 года, важнасць прадаўжэння рэалізацыі і развіцця сумесных кааперацыйных праектаў. Кіраўнікі дзяржаў абмеркавалі і інтэграцыйную тэматыку, таксама з улікам прыярытэтаў і задач беларускага старшынства ў АДКБ. У цэлым Беларусь і Кыргызстан эфектыўна супрацоўнічаюць на пляцоўках розных аб'яднанняў, уключаючы СНД, Еўразійскі эканамічны саюз, Шанхайскую арганізацыю супрацоўніцтва.

версія для друку

зрабіць стартавай

дабавіць у выбранае