Падзеі
Лукашэнка і Пуцін зацвердзілі пералік рашэнняў па выніках Вышэйшага дзяржсавета
25 лютага, Мінск /БЕЛТА - ТАСС/. Прэзідэнты РФ і Беларусі Уладзімір Пуцін і Аляксандр Лукашэнка зацвердзілі пералік дакументаў па выніках пасяджэння Вышэйшага дзяржсавета Саюзнай дзяржавы. Пакет з 13 дакументаў датычыцца, у прыватнасці, вынікаў гандлёва-эканамічнага супрацоўніцтва дзвюх краін у мінулым годзе, а таксама планаў на бягучы год.
Акрамя таго, прэзідэнты адобрылі справаздачу аб выкананні бюджэту Саюзнай дзяржавы за 2014 год, унеслі шэраг змяненняў у бюджэт на 2015 год і зацвердзілі бюджэт на 2016 год.
У ліку іншых прынятых рашэнняў - пытанні аб выкананні праграмы ўзгодненых дзеянняў у галіне знешняй палітыкі дзяржаў - удзельніц Дагавора аб стварэнні Саюзнай дзяржавы на 2014-2015 гады і праграмы ўзгодненых дзеянняў у галіне знешняй палітыкі дзяржаў - удзельніц Дагавора аб стварэнні Саюзнай дзяржавы на 2016-2017 гады, а таксама аб планаванні прымянення рэгіянальнай групоўкі войскаў Беларусі і Расіі.
Кіраўнікі дзяржаў таксама зацвердзілі рашэнні аб дзяржсакратары Саюзнай дзяржавы, аб асноўных пытаннях да пасяджэнняў Вышэйшага дзяржсавета на 2016 год, аб ходзе выканання прыярытэтных напрамкаў і першачарговых задач далейшага развіцця Саюзнай дзяржавы на сярэднетэрміновую перспектыву (2014-2017 гады).
Лідары адобрылі рашэнне аб прысуджэнні прэмій Саюзнай дзяржавы ў галіне літаратуры і мастацтва за 2015-2016 гады.
версія для друку
зрабіць стартавай
дабавіць у выбранае