Падзеі

Лукашэнка і Пуцін узгаднілі 28 саюзных праграм

10 верасня, Масква /Кар. БЕЛТА/. Прэзідэнты Беларусі і Расіі ўзгаднілі ўсе 28 саюзных праграм, і 10 верасня яны будуць разгледжаны на ўзроўні ўрадаў дзвюх краін у Мінску, пасля чаго будуць вынесены на пасяджэнне Вышэйшага дзяржсавета СД, якое плануецца правесці да канца бягучага года. Аб гэтым Прэзідэнт Расіі Уладзімір Пуцін заявіў журналістам па выніках перагавораў з Прэзідэнтам Беларусі Аляксандрам Лукашэнкам у Маскве, перадае карэспандэнт БЕЛТА.

"Сёння хацеў бы з задавальненнем адзначыць, што ўзгоднены ўсе 28 праграм. Заўтра маецца на ўвазе адобрыць іх на пасяджэнні Савета Міністраў Саюзнай дзяржавы ў Мінску, пасля чаго яны будуць вынесены на зацвярджэнне Вышэйшага дзяржаўнага савета Саюзнай дзяржавы, пасяджэнне якога плануецца правесці да канца бягучага года. Мы дамовіліся з Аляксандрам Рыгоравічам, цяпер паглядзім нашы графікі і вызначым больш-менш дакладную дату", - сказаў Уладзімір Пуцін.

Паводле яго слоў, гэтыя праграмы нацэлены на ўніфікацыю заканадаўства Беларусі і Расіі ў розных галінах эканомікі, на выраўноўванне ўмоў дзейнасці суб'ектаў гаспадарання дзвюх краін, пабудову адзіных фінансавых і энергетычных рынкаў, пабудову транспартнай прасторы, фарміраванне і рэалізацыю агульнай прамысловай і сельскагаспадарчай палітыкі.

версія для друку

зрабіць стартавай

дабавіць у выбранае