Падзеі

Лаўроў прыме ўдзел у пасяджэнні СМЗС АДКБ у Мінску

Сяргей Лаўроў. Фота прэс-службы МЗС РФ/ ТАСС

15 чэрвеня, Масква /Эдуард Півавар - БЕЛТА/. Міністр замежных спраў Расіі Сяргей Лаўроў 20 чэрвеня прыме ўдзел у пасяджэнні Савета міністраў замежных спраў Арганізацыі Дагавора аб калектыўнай бяспецы, якое пройдзе ў Мінску. Аб гэтым паведаміла 15 чэрвеня на брыфінгу афіцыйны прадстаўнік МЗС Расіі Марыя Захарава, перадае карэспандэнт БЕЛТА.

Марыя Захарава нагадала, што Беларусь у гэтым годзе старшынствуе ў АДКБ. "Удзельнікі пасяджэння падвядуць вынікі шматбаковага супрацоўніцтва ў рамках АДКБ, абмяркуюць перспектывы далейшага ўзаемадзеяння. У ходзе мерапрыемства запланаваны паглыблены абмен меркаваннямі аб стане міжнароднай, рэгіянальнай абстаноўкі і яе ўплыву на бяспеку дзяржаў - членаў арганізацыі, а таксама аб далейшых кроках па развіцці знешніх сувязей АДКБ", - сказала яна.

"Чакаецца, што па выніках пасяджэння будзе адобраны шэраг сумесных дакументаў", - дадала афіцыйны прадстаўнік МЗС РФ.

версія для друку

зрабіць стартавай

дабавіць у выбранае