Падзеі

"Мы прапануем (Акадэміі кіравання пры Прэзідэнце Беларусі. - Заўвага БЕЛТА) стварыць сумеснае пагадненне аб супрацоўніцтве, каб у нас быў абмен студэнтамі, прафесарамі, эканамічны абмен. Каб мы маглі дзяліцца вопытам у падрыхтоўцы кадраў і праводзіць сумесныя курсы. Думаю, што ў нас будуць добрыя адносіны", - сказаў Мігель Марыа Дыяс-Канель Бермудэс.

Кубінскі дзяржаўны дзеяч дадаў, што даўно хацеў наведаць Акадэмію кіравання пры Прэзідэнце Беларусі. У гэтай ВНУ некалькі гадоў таму пабываў цяперашні міністр эканомікі Кубы Марына Мурылья, які быў у Беларусі з афіцыйным візітам. "Ён быў прыемна здзіўлены падрыхтоўкай, якую атрымліваюць асноўныя кадры Беларусі ў акадэміі. У гэты момант мы былі задзейнічаны ў стварэнні вышэйшай школы кадраў і кіраўніцтва сваёй краіны, - заўважыў першы намеснік старшыні. - Вопыт, які прывёз з сабой Марына Мурылья, таксама стаў асновай для стварэння гэтай школы".

У сваю чаргу рэктар Акадэміі кіравання пры Прэзідэнце Беларусі Марат Жылінскі адзначыў, што гатовы падпісаць пагадненне ўжо цяпер. "Нам ёсць аб чым пагаварыць: падрыхтоўка, перападрыхтоўка, адукацыйныя праграмы, абмен стажыроўкамі, студэнтамі і выкладчыкамі", - дадаў ён.