Падзеі

Крутой аб тым, чаму так важна адкрываць значныя аб'екты да Дня народнага адзінства

16 верасня, Магілёў /Кар. БЕЛТА/. Важна адкрываць значныя прамысловыя і сацыяльныя аб'екты да Дня народнага адзінства, каб людзі памяталі і разумелі сапраўднае значэнне гэтага свята. Такой думкай з журналістамі падзяліўся кіраўнік Адміністрацыі Прэзідэнта Дзмітрый Крутой на ўрачыстым адкрыцці завяршальнай чаргі дарогі-дублёра вул.Якубоўскага - Загараднае шасэ ў Магілёве, перадае карэспандэнт БЕЛТА.

Паводле слоў Дзмітрыя Крутога, Прэзідэнт як гісторык па адукацыі гаварыў, калі ў 1939 годзе адбыўся акт уз'яднання Рэспублікі Беларусь у нашых цяперашніх граніцах, літаральна за год істотна палепшыліся ўсе паказчыкі развіцця краіны. "Гэта вынік гістарычнага і духоўнага ўздыму нацыі, які выліўся ў сур'ёзны эканамічны рэзультат: фактычна ў кожнай галіне мы дадалі ў 2-3 разы, - адзначыў ён. - За год была пабудавана вялікая колькасць сацыяльных і прамысловых аб'ектаў, таму што палітыка Польшчы ў адносінах да "Крэс Усходніх" (як нас афіцыйна называлі) - гэта поўная каланізацыя: закрыццё беларускамоўных школ, прамысловых прадпрыемстваў. Фактычна нам была прызначана роля аграрнага краю, аграрнага прыдатка".

Дзмітрый Крутой нагадаў, што на гэтых тэрыторыях польскія ваенныя асаднікі атрымлівалі зямлю, а беларускія сяляне, якія складалі асноўнае насельніцтва гэтай часткі нашай рэспублікі, знаходзіліся ў абсалютна прыгнечаным становішчы. Акрамя таго, былі закрыты практычна ўсе прамысловыя прадпрыемствы, дзейнічалі толькі дзве буйныя вытворчасці - у Пінску запалкавая фабрыка і ў Гродне завод па выпуску фанеры.

"Вось і ўсё, што засталося за 18 гадоў такой акупацыі, - рэзюмаваў ён. - Таму калі краіна зноў злучылася, пачалося вельмі бурнае развіццё прамысловасці і сельскай гаспадаркі. І Прэзідэнт гаворыць, што гэты момант таксама трэба заўсёды падкрэсліваць. Чаму важна адкрыццё розных аб'ектаў (і прамысловых, і сацыяльных), у тым ліку прымяркоўваць і да гэтай даты? Каб людзі памяталі і разумелі сапраўднае значэнне гэтага свята".

версія для друку

зрабіць стартавай

дабавіць у выбранае