Падзеі

Кіраўнікі ўрадаў краін ШАС падпісалі дакументы аб супрацоўніцтве

Фота з архiва

26 кастрычніка, Бішкек /Кар. БЕЛТА/. Кіраўнікі ўрадаў краін ШАС падпісалі дакументы аб супрацоўніцтве па выніках пасяджэння ў Бішкеку, перадае карэспандэнт БЕЛТА.

Адно з рашэнняў Савета кіраўнікоў урадаў датычыцца фінансавых правіл Шанхайскай арганізацыі супрацоўніцтва. Зацверджаны таксама план мерапрыемстваў па рэалізацыі канцэпцыі ўзаемадзеяння чыгуначных адміністрацый (чыгунак) дзяржаў - членаў арганізацыі, пратакол аб унясенні змяненняў у Пагадненне аб парадку фарміравання і выканання бюджэту Шанхайскай арганізацыі супрацоўніцтва ад 1 снежня 2017 года. Падпісана і рашэнне аб плане мерапрыемстваў па правядзенні Года экалогіі ШАС у 2024 годзе і шэраг іншых дакументаў.

Беларусь пакуль яшчэ не ўступіла ў ШАС, але разлічвае ў хуткім часе далучыцца да гэтай арганізацыі. На сённяшнім пасяджэнні Савета кіраўнікоў урадаў ШАС прысутнічаў і выступаў прэм'ер-міністр Беларусі Раман Галоўчанка. Ён выказаў надзею на тое, што наступнае пасяджэнне пройдзе з удзелам Беларусі ў якасці паўнапраўнага члена арганізацыі.

Як паведамлялася, у ліпені гэтага года на саміце ШАС быў падпісаны мемарандум аб абавязацельствах Беларусі ў мэтах атрымання статусу дзяржавы - члена арганізацыі. Як нядаўна заяўляў генеральны сакратар Шанхайскай арганізацыі супрацоўніцтва Чжан Мін, Беларусь можа стаць паўнапраўным членам ШАС у 2024 годзе.

версія для друку

зрабіць стартавай

дабавіць у выбранае