Падзеі

Кіраўнік МЗС Беларусі Алейнік 21-23 лютага наведае Зімбабвэ

Фота з архiва

20 лютага, Мінск /Кар. БЕЛТА/. Міністр замежных спраў Рэспублікі Беларусь Сяргей Алейнік 21-23 лютага наведае горад Харарэ (Зімбабвэ) для правядзення першага пасяджэння Сумеснай пастаяннай камісіі па супрацоўніцтве Рэспублікі Беларусь і Рэспублікі Зімбабвэ. Аб гэтым БЕЛТА паведамілі ў прэс-службе МЗС Беларусі.

У склад беларускай дэлегацыі для работы ў рамках Камісіі ўвойдуць кіраўнікі і супрацоўнікі міністэрстваў прамысловасці, сельскай гаспадаркі і харчавання, аховы здароўя, адукацыі, шэрага дзяржаўных прадпрыемстваў і канцэрнаў нашай краіны.

Зімбабвійскі бок узначаліць міністр замежных спраў і міжнароднага гандлю Фрэдэрык Шава. Плануецца абмеркаваць шырокі спектр пытанняў гандлёва-эканамічнага, інвестыцыйнага супрацоўніцтва, прамысловую кааперацыю, удзел Беларусі ў механізацыі сельскай гаспадаркі Зімбабвэ, умацаванні харчовай бяспекі афрыканскай дзяржавы.

На парадку дня перагавораў будзе знаходзіцца шэраг канкрэтных эканамічных праектаў, накіраваных на вывядзенне двухбаковага ўзаемадзеяння на якасна новы ўзровень і нарошчванне тавараабароту паміж краінамі.

Праграмай работы дадаткова прадугледжана наведванне сэрвіснага цэнтра беларускай тэхнікі і ўдзел у прэзентацыі беларускіх малакаперапрацоўчых прадпрыемстваў. Запланаваны перагаворы з шэрагам афіцыйных асоб Зімбабвэ.

У гэтыя дні ў Харарэ таксама праходзіць Беларуска-Зімбабвійскі бізнес-форум.

версія для друку

зрабіць стартавай

дабавіць у выбранае