Падзеі

Кіраўнік МНС і пасол Турцыі ў Беларусі абмеркавалі ўзаемадзеянне ў папярэджанні і ліквідацыі надзвычайных сітуацый

Фота МНС

9 студзеня, Мінск /Кар. БЕЛТА/. Міністр па надзвычайных сітуацыях Вадзім Сіняўскі 9 студзеня сустрэўся з Надзвычайным і Паўнамоцным Паслом Турэцкай Рэспублікі ў Рэспубліцы Беларусь Мустафой Азджанам. Аб гэтым БЕЛТА паведамілі ў МНС.

Бакі разгледзелі шырокае кола пытанняў, якія датычацца беларуска-турэцкага ўзаемадзеяння ў галіне папярэджання і ліквідацыі надзвычайных сітуацый. Вадзім Сіняўскі і Мустафа Азджан удзялілі асаблівую ўвагу вынікам дапамогі, якую беларускае выратавальнае ведамства аказала Турцыі ў тушэнні лясных пажараў. Размова ішла і аб правядзенні работнікамі Рэспубліканскага атрада спецыяльнага прызначэння "ЗУБР" пошукава-выратавальных работ і ратавання пацярпелых у зоне наступстваў землетрасення, а таксама аказанні гуманітарнай дапамогі ў 2023 годзе.

Міністр па надзвычайных сітуацыях падзякаваў Мустафе Азджану за плённую работу ў перыяд знаходжання на пасадзе пасла Турцыі ў Беларусі, а таксама адзначыў высокі ўклад і аказваемую падтрымку. Вадзім Сіняўскі таксама пажадаў Мустафе Азджану поспехаў у далейшай прафесійнай дзейнасці і выказаў надзею на захаванне тэндэнцыі ўсебаковага развіцця і пашырэння сфер супрацоўніцтва паміж Беларуссю і Турцыяй.

У сваю чаргу Мустафа Азджан ад усёй краіны і сябе асабіста падзякаваў МНС Беларусі за аператыўна аказаную беларускімі ратавальнікамі дапамогу ў ліквідацыі наступстваў землетрасення і штогадовую дапамогу ў тушэнні лясных пажараў беларускімі авіятарамі.

У час сустрэчы таксама абмяркоўваліся перспектывы супрацоўніцтва ў галіне папярэджання і ліквідацыі надзвычайных сітуацый.

версія для друку

зрабіць стартавай

дабавіць у выбранае