Падзеі

24 лістапада, Мінск /Кар. БЕЛТА/. Пашырэнне палітычных і эканамічных кантактаў абмяркоўвалася на сустрэчы намесніка міністра замежных спраў Беларусі Алега Краўчанкі з дэлегацыяй групы дружбы "Францыя-Беларусь" у Нацыянальнай асамблеі Францыі на чале з яе старшынёй Крыстофам Лежонам, паведамілі БЕЛТА ў прэс-службе МЗС.

У ходзе сустрэчы бакі абмеркавалі стан і перспектывы развіцця беларуска-французскага супрацоўніцтва, уключаючы магчымае садзейнічанне груп дружбы, якія дзейнічаюць у парламентах дзвюх краін, далейшаму пашырэнню двухбаковых палітычных і эканамічных кантактаў.

Адбыўся таксама абмен думкамі аб перспектывах развіцця дыялогу па лініі Беларусь-ЕС, актуальных пытаннях міжнароднага парадку дня.