Падзеі

Краўчанка і Джук абмеркавалі ў Мінску перспектывы беларуска-амерыканскага дыялогу

Фота з архiва

28 ліпеня, Мінск /Кар. БЕЛТА/. Намеснік міністра замежных спраў Беларусі Алег Краўчанка правёў сустрэчу з часовым павераным у справах Злучаных Штатаў Амерыкі ў Беларусі Джэфры Джукам. Аб гэтым БЕЛТА паведамілі ў прэс-службе МЗС.

"Бакі абмеркавалі перспектывы далейшага развіцця беларуска-амерыканскага дыялогу", - адзначылі ў знешнепалітычным ведамстве.

Як паведамлялася, Алег Краўчанка 20 ліпеня быў назначаны Надзвычайным і Паўнамоцным Паслом Беларусі ў ЗША. Да гэтага пасада заставалася вакантнай на працягу 12 гадоў. Аб аднаўленні дыппрадстаўніцтваў на ўзроўні паслоў Мінск і Вашынгтон заявілі ў верасні 2019 года, калі Аляксандр Лукашэнка сустракаўся з намеснікам дзяржаўнага сакратара ЗША па палітычных пытаннях Дэвідам Хэйлам. Намеснік дзяржсакратара тады сказаў: "Сёння гістарычны момант у амерыкана-беларускіх адносінах. Я рады прыняць удзел у аб'яўленні нашай гатоўнасці да абмену пасламі як наступнага кроку па нармалізацыі адносін".

Планавалася, што ўжо ў жніўні Алег Краўчанка накіруецца для работы ў ЗША. "Вельмі шмат будзе залежаць ад тваёй работы, - падкрэсліваў Прэзідэнт пры назначэнні намесніка міністра на пасаду пасла. - Нам патрэбны будуць падтрымка і дапамога ад Злучаных Штатаў Амерыкі, асабліва ў гэты перыяд у фінансавай сферы ў сувязі з каранавірусам".

версія для друку

зрабіць стартавай

дабавіць у выбранае