Падзеі

15 сакавіка, Мінск /Юлія Огнева - БЕЛТА/. Прэм'ер-міністр Беларусі Андрэй Кабякоў наведае Рэспубліку Татарстан з рабочым візітам 15-16 сакавіка, паведамляе БЕЛТА.

У ходзе візіту плануецца сустрэча Андрэя Кабякова з прэзідэнтам Татарстана Рустамам Мініханавым. Бакі абмяркуюць вынікі і перспектывы двухбаковага ўзаемадзеяння.

Таксама чакаецца, што кіраўнік беларускага ўрада наведае ТАА "Гандлёвы дом "МТЗ-ЕлАЗ" (Елабужскі раён), АЭЗ "ПВТ "Алабуга" (Елабуга), ААТ "КАМАЗ" і АТ "КІП "Майстар" (Набярэжныя Чаўны).

Праграмай рабочага візіту запланавана наведванне ААТ "Рэгіянальны інжынірынгавы цэнтр медыцынскіх сімулятараў "Цэнтр Медыцынскай Навукі"/"Эйдас" (Казань) і дзіцячага тэхнапарка "Кванторыум" (Набярэжныя Чаўны).

Тавараабарот паміж Беларуссю і Татарстанам у 2015 годзе склаў $878,4 млн (шостая пазіцыя сярод усіх рэгіёнаў Расіі), што на 24,8 працэнта менш, чым у 2014-м. Сальда адмоўнае – $475,6 млн.

У аснове экспарту Беларусі пастаўкі трактароў і седлавых цягачоў, звадкаванага газу, частак і прылад для аўтамабіляў і трактароў, матэрыялаў кордных для шын, тары пластмасавай, помпаў паветраных або вакуумных, машын і ўстройстваў для пад'ёму, перамяшчэння, пагрузкі або разгрузкі, металаканструкцый з чорных метараў. Імпартуе Беларусь з Татарстана сырую нафту, уключаючы газавы кандэнсат, нафтапрадукты, палімераў стыролу, палімеры прапілену, спірты ацыклічныя і іх вытворныя, палімеры этылену, пульты, панэлі, сталы для электрычнай апаратуры, шыны, звадкаваны газ.