Падзеі

2 лютага, Алматы /Кар. БЕЛТА/. Прэм'ер-міністр Беларусі Андрэй Кабякоў правёў сёння ў Алматы сустрэчу са старшынёй урада Расіі Дзмітрыем Мядзведзевым, перадае карэспандэнт БЕЛТА.

"Пасля нашай сустрэчы ў Гомелі ў снежні мінулага года прайшло не так ужо шмат часу, тым не менш, аформіўся шэраг момантаў, якія, думаю, нам ёсць сэнс абмеркаваць, надаць імпульс вырашэнню пэўных пытанняў", - сказаў Андрэй Кабякоў.

Паводле яго ацэнкі, у Беларусі і Расіі ёсць добрыя перспектывы для далейшага развіцця гандлёва-эканамічных адносін. "Па выніках 2017 года абедзве краіны паказалі добрую дынаміку, патэнцыял такі, што мы можам дабавіць яшчэ больш", - адзначыў прэм'ер-міністр.

Дзмітрый Мядзведзеў выказаў гатоўнасць абмеркаваць існуючыя пытанні.

Андрэй Кабякоў 1-2 лютага робіць рабочы візіт у Алматы (Казахстан).