Падзеі
Гур'янаў 15-23 верасня з рабочым візітам наведвае Сальвадор, Нікарагуа і Аргенціну
17 верасня, Мінск /Аліна Грышкевіч - БЕЛТА/. Намеснік міністра замежных спраў Беларусі Аляксандр Гур'янаў 15-23 верасня з рабочым візітам наведвае Сальвадор, Нікарагуа і Аргенціну, паведаміў сёння на брыфінгу начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.
Ужо адбыліся першыя ў гісторыі двухбаковых адносін палітычныя кансультацыі паміж міністэрствамі замежных спраў Беларусі і Сальвадора. Плануецца таксама правядзенне першага пасяджэння беларуска-аргенцінскай і другога пасяджэння беларуска-нікарагуанскай міжурадавых камісій па гандлёва-эканамічным супрацоўніцтве.
Да падпісання ў час візіту падрыхтаваны пакет дакументаў, які павінен пашырыць дагаворна-прававыя адносіны з гэтымі краінамі. У іх ліку міжурадавае пагадненне з Нікарагуа аб адмене віз для ўладальнікаў дыпламатычных і службовых пашпартоў, мемарандум аб супрацоўніцтве ў сельскай гаспадарцы з Аргенцінай.
Дзмітрый Мірончык падкрэсліў, што адносіны Беларусі з Сальвадорам цяпер знаходзяцца на этапе актыўнага старту.
версія для друку
зрабіць стартавай
дабавіць у выбранае