Падзеі
Групу дружбы з Беларуссю збіраюцца стварыць у парламенце Эквадора
11 чэрвеня, Мінск /Кар. БЕЛТА/. Групу дружбы з Беларуссю збіраюцца стварыць у парламенце Эквадора. Аб гэтым БЕЛТА паведамілі ў прэс-службе МЗС па выніках сустрэчы Надзвычайнага і Паўнамоцнага Пасла Беларусі ў Эквадоры Ігара Палуяна са старшынёй Нацыянальнай Асамблеі гэтай краіны
Габрыэлай Алехандрай Рывадэнэйра Бурбана.У час сустрэчы
Габрыэла Рывадэнэйра паведаміла аб намеры ініцыіраваць стварэнне ў Нацыянальнай Асамблеі групы дружбы "Эквадор - Беларусь", праінфармавалі ў беларускім знешнепалітычным ведамстве."Бакі абмяняліся думкамі аб стане і перспектывах развіцця двухбаковых адносін, адзначылі важную ролю, якую могуць адыгрываць заканадаўчыя органы нашых краін у паглыбленні беларуска-эквадорскага супрацоўніцтва ў палітычнай, гандлёва-эканамічнай, навукова-тэхнічнай і іншых сферах", - дадалі ў прэс-службе.
Акрамя таго, выказана ўзаемная зацікаўленасць у далейшым развіцці міжпарламенцкіх сувязей, абмене візітамі парламенцкіх дэлегацый, умацаванні ўзаемадзеяння дзвюх краін у Міжпарламенцкім саюзе.
версія для друку
зрабіць стартавай
дабавіць у выбранае