Падзеі

Грошы шукалі ва Украіне, Ізраілі і ЗША. Хто быў гатовы прафінансаваць захоп улады ў Беларусі

19 верасня, Мінск /Кар. БЕЛТА/. Змоўшчыкі, якія спрабавалі захапіць уладу, шукалі сродкі ва Украіне, Ізраілі і ЗША. Аб гэтым у фільме "Забойная змова. Мэта - Лукашэнка" на канале "Беларусь 1" расказаў адзін са змоўшчыкаў Юрый Зянковіч, які быў асуджаны на 11 гадоў пазбаўлення волі ў верасні 2022 года, паведамляе БЕЛТА.

Адказваючы на пытанне аб ацэнцы кошту ліквідацыі Прэзідэнта Беларусі, Юрый Зянковіч назваў суму каля $10 млн. "Мне здаецца, што гэта даволі рэалістычная сума. Прыкладна ў такі кошт бюджэт сапраўды мог укласціся", - сказаў ён.

Паводле яго слоў, грошы планавалася размеркаваць прыкладна пароўну на тры часткі: ваенным, радыкальным групам, а таксама ўзброеным баевікам, якія знаходзіліся ў Беларусі. Ім належала каля $3 млн. Яшчэ $1 млн заставаўся "ў рэзерве на выпадак непрадбачаных расходаў".

"Важным складнікам гэтых расходаў была так званая піяр-падтрымка. Гэта распаўсюджванне інфармацыі ў сетцы, падрыхтоўка грамадскай думкі да таго, што можа адбыцца нейкае радыкальнае змяненне, нечаканая змена ўлады ў Беларусі, - растлумачыў Юрый Зянковіч. - Гэта таксама патрабавала расходаў. Трэба аплачваць спецыялістаў у гэтай галіне, прапагандыстаў, блогераў і гэтак далей".

Сродкі шукалі ва Украіне, Ізраілі і Злучаных Штатах. Былі складзены каштарысы, якія перадалі аднаму са змоўшчыкаў, Аляксандру Перапечку. Ён склаў заяўку і адправіў яе па адрасе адной з карпарацый ваенна-прамысловага комплексу Злучаных Штатаў. Акрамя таго, змоўшчыкі шукалі ваенных, якія маглі дапамагчы ў складанні аператыўных планаў па правядзенні аперацыі па захопе ўлады.

"Я вёў перагаворы з Ігарам Каламойскім. Мы лічылі, што гэта ўкраінскі алігарх, які ўкладваецца ў розныя рызыкоўныя праекты, і ён можа паўдзельнічаць у такім праекце, - растлумачыў Юрый Зянковіч. - Дзмітрый Шчыгельскі вёў перагаворы з Ізраілем. У тым ліку ён шукаў магчымасць скласці аператыўныя планы. Для гэтага прыцягваў былых ваеннаслужачых ізраільскай арміі".

Адказваючы на пытанне аб тым, як змоўшчыкі планавалі разлічвацца з магчымымі "фінансістамі", Юрый Зянковіч заявіў, што Аляксандр Перапечка называў залогам дзяржаўную ўласнасць. "У выпадку станоўчага выніку і атрымання ўлады, разлік з тым, хто фінансуе, ажыццяўляўся б шляхам прыватызацыі дзяржаўных прадпрыемстваў і перадачы іх у рукі іншаземцам", - расказаў ён.

Першую суму для ваенных Юрый Зянковіч перадаў у рукі афіцэру, з якім сустракаўся ў Гродне. У далейшым грошы пакідалі ў тайніках знаёмыя Юрыя Зянковіча, якія не ведалі, для чаго гэта робіцца. Каардынаты тайніка перадаваліся афіцэру, які забіраў грошы. Сярод такіх месцаў Юрый Зянковіч назваў лес у Курапатах і могілкі ў Пухавіцкім раёне. "Наколькі я памятаю, было сем або восем закладак", - дадаў ён.

версія для друку

зрабіць стартавай

дабавіць у выбранае