Падзеі

Гендырэктар МАГАТЭ: мы не бачым прычын, па якіх БелАЭС не павінна працаваць

Фота з архiва

18 сакавіка, Мінск /Кар. БЕЛТА/. МАГАТЭ не бачыць прычын, па якіх БелАЭС не павінна працаваць. Аб гэтым заявіў генеральны дырэктар МАГАТЭ Рафаэль Марыяна Гросі ў час выступлення ў відэафармаце ў Еўрапарламенце, паведамляе БЕЛТА.

"Мы ўбачылі і добрыя практыкі, і тое, што патрабуе паляпшэння. Але я хачу сказаць вельмі важную рэч. Мы не знайшлі якой-небудзь прычыны, з-за якой гэта станцыя не павінна працаваць", - сказаў Рафаэль Марыяна Гросі, адказваючы на пытанне дэпутата Еўрапарламента ад Літвы Пятраса Аўштравічуса.

МАГАТЭ супрацоўнічае з Беларуссю на працягу доўгага часу, адзначыў кіраўнік агенцтва. "Мы прадастаўляем паслугі па экспертнай ацэнцы і кансультацыйныя паслугі. У Беларусі працавалі еўрапейскія эксперты", - звярнуў увагу гендырэктар МАГАТЭ.

Паводле яго слоў, МАГАТЭ прадоўжыць працаваць у Беларусі з мэтай захавання ядзернай бяспекі.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце "АЭС-2006" паблізу Астраўца Гродзенскай вобласці.

версія для друку

зрабіць стартавай

дабавіць у выбранае