Падзеі

Галоўчанка праводзіць перагаворы з наследным прынцам Амана

14 кастрычніка, Маскат /Кар. БЕЛТА/. Прэм'ер-міністр Беларусі Раман Галоўчанка праводзіць перагаворы з наследным прынцам, міністрам моладзі, культуры і спорту Амана Зіязінам бен Хайсамам Аль Саідам, паведамляе карэспандэнт БЕЛТА.

Кіраўнік беларускага ўрада 13 і 14 кастрычніка наведвае Аман з афіцыйным візітам. Запланаваны шэраг важных сустрэч: з намеснікам прэм'ер-міністра па справах Савета Міністраў Амана Саідам Фахадам бен Махмудам Аль Саідам, старшынёй Дзяржаўнага савета Амана Абдэльмалікам бен Абдалой Аль Халілі. Па выніках візіту будзе падпісаны важкі пакет дакументаў.

Раман Галоўчанка на перагаворах з Зіязінам бен Хайсамам Аль Саідам адзначыў, што паміж Беларуссю і Аманам наладжаны канструктыўны дыялог і ўзаемная зацікаўленасць у супрацоўніцтве. На думку прэм'ер-міністра, гэта стварае спрыяльную атмасферу для пашырэння ўсебаковых партнёрскіх сувязей.

"Нашы двухбаковыя адносіны доўжацца ўжо больш за трыццаць гадоў. Мы падтрымліваем кантакты на вышэйшым, высокім і міжведамасным узроўнях, нашы пазіцыі па ключавых рэгіянальных і глабальных пытаннях супадаюць", - звярнуў увагу Раман Галоўчанка.

Усё гэта, лічыць кіраўнік беларускага ўрада, стварае спрыяльную глебу для ўстойлівага дыялогу па розных напрамках супрацоўніцтва, у тым ліку ў палітычнай і эканамічнай сферах.

версія для друку

зрабіць стартавай

дабавіць у выбранае