Падзеі

Галоўчанка аб бюджэце на 2023 год: галоўная мэта - забеспячэнне сацгарантый і фінансаванне важнейшых дзяржрасходаў

27 верасня, Мінск /Кар. БЕЛТА/. Галоўная мэта - забеспячэнне сацыяльных гарантый і фінансаванне важнейшых дзяржаўных расходаў. Аб гэтым заявіў прэм'ер-міністр Беларусі Раман Галоўчанка ў час пасяджэння Прэзідыума Савета Міністраў, перадае карэспандэнт БЕЛТА.

Сёння на разгляд Прэзідыума Саўміна вынесены праекты прагнозных дакументаў на 2023 год - аб важнейшых параметрах прагнозу сацыяльна-эканамічнага развіцця, асноўных напрамках грашова-крэдытнай палітыкі, аб рэспубліканскім бюджэце і змяненнях у Падатковы кодэкс.

"У адрозненне ад папярэдніх сямі гадоў, бюджэт на наступны год фарміруецца зыходзячы з мэтавага сцэнарыя развіцця эканомікі з ростам ВУП на 3,8 працэнта. Гэта напружаная задача, якая стварае пэўныя рызыкі для ўстойлівасці бюджэту да знешніх уздзеянняў. Гэта значыць мы не робім ніякага рэзервовага сцэнарыя. Таму задача Міністэрства фінансаў і рэгіёнаў - вельмі акуратна падыходзіць да пытанняў збалансаванага выканання бюджэтаў усіх узроўняў. Галоўная мэта - забеспячэнне сацыяльных гарантый грамадзян і фінансаванне важнейшых дзяржаўных расходаў", - падкрэсліў Раман Галоўчанка.

"Міністра фінансаў у дакладзе прашу зрабіць акцэнт на пытаннях фінансавання сацыяльнай сферы, падтрымкі галін, развіцця інфраструктуры. Асобная ўвага пытанням пагашэння і аптымізацыі даўгавых абавязацельстваў дзяржавы, мерам па балансіроўцы бюджэтаў усіх узроўняў", - дадаў прэм'ер-міністр.

версія для друку

зрабіць стартавай

дабавіць у выбранае