Падзеі

Форум рэгіёнаў і 80-годдзе Вялікай Перамогі. Сустрэча Качанавай і Мацвіенка адбылася ў Санкт-Пецярбургу

Наталля Качанава і Валянціна Мацвіенка. Фота прадастаўлена прэс-службай Савета Рэспублікі

21 лістапада, Мінск /Кар. БЕЛТА/. Сустрэча старшыні Савета Рэспублікі Нацыянальнага сходу Рэспублікі Беларусь Наталлі Качанавай і старшыні Савета Федэрацыі Федэральнага сходу Расійскай Федэрацыі Валянціны Мацвіенка адбылася на палях мерапрыемстваў МПА СНД у Санкт-Пецярбургу, паведамляе БЕЛТА.

Спікеры выказалі задавальненне ўзроўнем двухбаковага ўзаемадзеяння. У кантэксце маючага адбыцца ў пачатку снежня 25-годдзя стварэння Саюзнай дзяржавы было адзначана, што міжпарламенцкае супрацоўніцтва Беларусі і Расіі ў поўнай меры адпавядае пастаўленым лідарамі дзвюх краін задачам па паглыбленні інтэграцыйных працэсаў.

Пашыраецца міжпарламенцкае ўзаемадзеянне. Пад эгідай верхніх палат парламентаў Расіі і Беларусі эфектыўна рэалізуюцца важныя для нашых краін праекты.

Наталля Качанава і Валянціна Мацвіенка абмеркавалі падыходы да фарміравання праграмы XIII Форуму рэгіёнаў Расіі і Беларусі ў Ніжнім Ноўгарадзе і ключавыя мерапрыемствы, прымеркаваныя да 80-годдзя Вялікай Перамогі.

Спікеры адзначылі паспяховую рэалізацыю ініцыяванага расійскімі і беларускімі парламентарыямі культурна-адукацыйнага праекта "Поезд Памяці", які з кожным годам аб'ядноўвае ўсё большую колькасць старшакласнікаў з краін постсавецкай прасторы.

версія для друку

зрабіць стартавай

дабавіць у выбранае