Падзеі

22 лістапада, Масква /Эдуард Півавар - БЕЛТА/. Фінансаванне рэканструкцыі Брэсцкай крэпасці плануецца ўключыць у бюджэт Саюзнай дзяржавы на 2018 год. Аб гэтым заявіў сёння журналістам дзяржаўны сакратар Саюзнай дзяржавы Рыгор Рапота ў кулуарах праводзімага ў Маскве экспертна-медыйнага форуму "Новы вектар гуманітарнага партнёрства ў Саюзнай дзяржаве", перадае карэспандэнт БЕЛТА.

Рыгор Рапота адзначыў, што папярэдні каштарыс рэканструкцыі ўжо сфарміраваны. "Работа ідзе, я разлічваю, што мы гэту задачу вырашым, - сказаў дзяржсакратар. - У 2018 годзе ў нас такі радок у бюджэце закладзены. Пасля таго як будзе сфарміраваны каштарыс з пазначэннем дакладных расходаў, хочацца верыць, што ў 2018 годзе мы пачнём гэту работу".