Падзеі

Эканоміка, пастаўкі энергарэсурсаў і перспектывы "Усходняга партнёрства" - аб чым гаварылі Лукашэнка і Наўседа

Фота з архiва

23 красавіка, Мінск /Кар. БЕЛТА/. Па ініцыятыве літоўскага боку 23 красавіка адбылася тэлефонная размова Прэзідэнта Беларусі Аляксандра Лукашэнкі з Прэзідэнтам Літвы Гітанасам Наўседам, паведамляе БЕЛТА.

Кіраўнікі дзяржаў абмеркавалі шырокі спектр пытанняў двухбаковага супрацоўніцтва. Асаблівую ўвагу прэзідэнты ўдзялілі развіццю эканамічных адносін.

У прыватнасці, літоўскім бокам было закранута пытанне павелічэння паставак тавараў і грузаў з выкарыстаннем інфраструктуры Клайпедскага порта.

Таксама прэзідэнты падрабязна абмеркавалі тэму дыверсіфікацыі паставак энергарэсурсаў - нафты і газу. Бакі дамовіліся даручыць міністрам энергетыкі дзвюх краін прапрацаваць пытанні энергетычнай бяспекі.

Акрамя таго, кіраўнікі дзяржаў абмеркавалі ўзаемадзеянне дзвюх краін у сферы ядзернай бяспекі.

Аляксандр Лукашэнка і Гітанас Наўседа таксама абмеркавалі ўзаемадзеянне па процідзеянні распаўсюджванню інфекцыі.

Закраналася ў ходзе размовы і пытанне перспектыў ініцыятывы "Усходняе партнёрства".

версія для друку

зрабіць стартавай

дабавіць у выбранае