Падзеі

Эканамічнае і гуманітарнае супрацоўніцтва Беларусі і Азербайджана абмеркавалі ў Баку

22 лютага, Мінск /Кар. БЕЛТА/. Пасол Беларусі ў Азербайджане Андрэй Раўкоў сустрэўся з членам камітэта па эканамічнай палітыцы, прамысловасці і прадпрымальніцтве Мілі меджліса Азербайджана, кіраўніком парламенцкай рабочай групы па сувязях з Беларуссю, намеснікам старшыні таварыства дружбы "Азербайджан - Беларусь" акадэмікам Зіядам Самедзадэ. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Бакі абмеркавалі стан і перспектывы беларуска-азербайджанскіх сувязей, у тым ліку развіццё партнёрства ў эканамічнай і гуманітарнай сферах.

Асобнай тэмай размовы стала неабходнасць аднаўлення дзейнасці таварыства дружбы "Азербайджан - Беларусь", прызначанага садзейнічаць развіццю двухбаковых навуковых і культурных кантактаў, а таксама дзелавога і гандлёва-эканамічнага супрацоўніцтва.

версія для друку

зрабіць стартавай

дабавіць у выбранае