Падзеі

4 красавіка, Мінск /Кар. БЕЛТА/. Перагаворы прэзідэнтаў Беларусі і Расіі Аляксандра Лукашэнкі і Уладзіміра Пуціна, якія прайшлі напярэдадні ў Санкт-Пецярбургу, былі максімальна канструктыўнымі і вельмі падрабязнымі. Аб гэтым у эфіры навін тэлеканала СТБ заявіла прэс-сакратар Прэзідэнта Беларусі Наталля Эйсмант, паведамляе БЕЛТА.

"Перагаворы доўжыліся больш за пяць гадзін. І тут перш за ўсё трэба аддаць належнае Прэзідэнту Расійскай Федэрацыі і ў цэлым нашым расійскім калегам. Нягледзячы на вельмі складаны эмацыянальны фон, а паведамленне аб трагедыі ў метро паступіла літаральна за лічаныя хвіліны да пачатку сустрэчы, перагаворы былі максімальна канструктыўнымі, вельмі падрабязнымі і, як вы бачылі, бакам удалося разабрацца з усімі існуючымі нюансамі і дэталямі", - заявіла прэс-сакратар.

Яна таксама адзначыла, што на працягу ўсёй сустрэчы рабіліся перапынкі, у час якіх Прэзідэнту Расіі дакладвалася інфармацыя са штаба аб сітуацыі ў цэлым і ходзе расследавання тэракта.