Падзеі
Еўдачэнка і Карасін абмеркавалі рэалізацыю праграмы ўзгодненых знешнепалітычных дзеянняў Беларусі і РФ
18 кастрычніка, Масква /Эдуард Півавар - БЕЛТА/. Пытанні беларуска-расійскіх адносін абмяркоўваліся на праведзенай 17 кастрычніка ў Маскве сустрэчы першага намесніка міністра замежных спраў Беларусі Андрэя Еўдачэнкі і статс-сакратара - намесніка міністра замежных спраў Расіі Рыгора Карасіна, паведамілі БЕЛТА ў прэс-службе расійскага знешнепалітычнага ведамства.
"Бакі абмеркавалі актуальныя пытанні беларуска-расійскіх адносін, уключаючы ход рэалізацыі праграмы ўзгодненых дзеянняў у галіне знешняй палітыкі дзяржаў - удзельніц дагавора аб стварэнні Саюзнай дзяржавы на 2016-2017 гады (прынята на пасяджэнні Вышэйшага Дзяржаўнага Савета Саюзнай дзяржавы 25 лютага 2016 года)", - праінфармавалі ў прэс-службе.
Андрэй Еўдачэнка і Рыгор Карасін таксама абмяняліся думкамі па шэрагу рэгіянальных і міжнародных тэм, якія ўяўляюць узаемны інтарэс. "Асаблівая ўвага была ўдзелена сітуацыі на паўднёвым усходзе Украіны і шляхам пераадолення крызісу на аснове комплексу мер па выкананні мінскіх пагадненняў", - адзначылі ў МЗС РФ.
версія для друку
зрабіць стартавай
дабавіць у выбранае