Падзеі

Дзмітрый Крутой упаўнаважаны на падпісанне пагаднення па нафце з Казахстанам

Дзмітрый Крутой. Фота з архiва

6 лютага, Мінск /Кар. БЕЛТА/. Першы намеснік прэм'ер-міністра Дзмітрый Крутой упаўнаважаны на падпісанне пагаднення па нафце з Казахстанам. Адпаведная пастанова Савета Міністраў ад 4 лютага 2020 года нумар 70 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

Дзмітрый Крутой упаўнаважаны на правядзенне перагавораў па праекце пагаднення паміж урадамі Беларусі і Казахстана аб гандлёва-эканамічным супрацоўніцтве ў галіне паставак нафты і нафтапрадуктаў у Беларусь. Пры неабходнасці магчыма ўнясенне ў пагадненне непрынцыповых змяненняў. Першы віцэ-прэм'ер таксама будзе падпісваць пагадненне па нафце пры дасягненні дамоўленасці.

Як паведамлялася, Прэзідэнт Беларусі Аляксандр Лукашэнка падпісаў указ, якім упаўнаважыў урад на правядзенне перагавораў з Казахстанам аб гандлёва-эканамічным супрацоўніцтве ў галіне паставак нафты і нафтапрадуктаў у Беларусь. Раней Аляксандр Лукашэнка не раз згадваў Казахстан у ліку краін, адкуль ёсць патэнцыяльная магчымасць для арганізацыі паставак нафты ў Беларусь. Гэта пытанне ў тым ліку абмяркоўваўся ў кастрычніку мінулага года ў час афіцыйнага візіту кіраўніка беларускай дзяржавы ў Казахстан.

Намеснік прэм'ер-міністра Ігар Ляшэнка паведамляў, што Беларусь зацікаўлена ў бяспошлінных пастаўках нафты з Казахстана. Паводле яго слоў, пагадненне па пастаўках у Беларусь казахстанскіх нафты і нафтапрадуктаў знаходзіцца ў высокай ступені гатоўнасці, засталіся ў асноўным адміністрацыйныя працэдуры.

версія для друку

зрабіць стартавай

дабавіць у выбранае