Падзеі

Дзмітрый Крутой назначаны старшынёй Савета па развіцці прадпрымальніцтва

Дзмітрый Крутой. Фота з архiва

29 мая, Мінск /Кар. БЕЛТА/. Першы намеснік прэм'ер-міністра Дзмітрый Крутой назначаны старшынёй Савета па развіцці прадпрымальніцтва. Гэта прадугледжана ўказам ад 12 мая 2020 года нумар 161, паведамляе БЕЛТА са спасылкай на сайт савета.

Дзмітрый Крутой падкрэсліў, што разглядае Савет па развіцці прадпрымальніцтва як ключавую пляцоўку дыялогу дзяржавы і бізнесу, эфектыўны механізм выпрацоўкі і пашырэння ініцыятыў па актывізацыі прыватнай дзейнасці.

На думку Дзмітрыя Крутога, прыярытэтнымі напрамкамі работы савета на сучасным этапе павінны стаць удзел у фарміраванні спрыяльнага прадпрымальніцкага клімату, стварэнне ўмоў для прыцягнення айчынных і замежных інвестыцый у эканоміку краіны.

Акрамя таго, у прыярытэце ўзаемадзеянне з рэгіянальнымі саветамі па развіцці прадпрымальніцтва, аналіз сітуацыі і выяўленне праблем развіцця на месцах, выпрацоўка прапаноў па забеспячэнні ўстойлівай дынамікі прыватнага сектара, удасканаленне яго галіновай і тэрытарыяльнай структуры.

версія для друку

зрабіць стартавай

дабавіць у выбранае