Падзеі

19 верасня, Мінск /Кар. БЕЛТА/. Дзяржпраграму развіцця электратранспарту ў Беларусі плануецца прыняць да канца 2017 года, паведаміў на прэс-канферэнцыі першы намеснік міністра прамысловасці Генадзь Свідзерскі, перадае карэспандэнт БЕЛТА.

"Па даручэнні кіраўніка дзяржавы дзяржпраграма развіцця электратранспарту фарміруецца Нацыянальнай акадэміяй навук. Думаю, да канца года такая праграма будзе падрыхтавана і прынята ўрадам", - сказаў Генадзь Свідзерскі.

Ён адзначыў, што электрапрывод у краіне выкарыстоўваецца ўжо даўно, у тым ліку ў кар'ерных самазвалах БелАЗ. Але для развіцця легкавога электратранспарту ў Беларусі патрэбны дадатковыя меры. "Дзяржпраграма будзе ўключаць падрыхтоўку ў вышэйшых навучальных установах, стварэнне ўмоў для праектавання электратранспарту, комплекс мер па стымуляванні ўкаранення электратранспарту, стварэнні зарадных станцый", - растлумачыў першы намеснік міністра.-0-