Падзеі

Дзярждума РФ ратыфікавала пагадненне з Беларуссю аб узаемным прызнанні віз

Фота з архіва ТАСС

17 студзеня, Масква /Эдуард Півавар - БЕЛТА/. Дзярждума Расіі сёння на пленарным пасяджэнні ратыфікавала беларуска-расійскае міжурадавае пагадненне аб узаемным прызнанні віз і па іншых пытаннях, звязаных з уездам замежных грамадзян і асоб без грамадзянства на тэрыторыі дзяржаў - удзельніц Саюзнай дзяржавы, паведамляе БЕЛТА.

Мэтай гэтага пагаднення, якое было падпісана ў Мінску 19 чэрвеня 2020 года, з'яўляецца стварэнне прававой базы для ўрэгулявання парадку перасячэння замежнымі грамадзянамі і асобамі без грамадзянства беларуска-расійскай граніцы.

Як адзначалася пры ратыфікацыі, дакумент прадугледжвае права замежных грамадзян уязджаць, выязджаць, знаходзіцца, ісці транзітам па тэрыторыі Беларусі і Расіі на падставе візы адной з дзвюх дзяржаў і дакументаў, якія засведчваюць асобу.

Плануецца, што для рэалізацыі пагаднення будзе створана сістэма інфармацыйнага абмену паміж бакамі аб выдадзеных і ануляваных дазволах на ўезд і знаходжанне, а таксама перасячэнні граніц Беларусі і Расіі ў пунктах пропуску. Таксама прадугледжваецца, што замежныя грамадзяне і асобы без грамадзянства, якія маюць дазвол на часовае пражыванне, пасведчанне на права жыхарства альбо  дакумент для наведвання міжнароднага спартыўнага мерапрыемства аднаго боку і дакумент, які засведчвае асобу, маюць права ўязджаць, выязджаць, знаходзіцца, ісці транзітам па тэрыторыі дзяржавы другога боку на працягу тэрміну дзеяння названых дакументаў.

версія для друку

зрабіць стартавай

дабавіць у выбранае