Падзеі

"Мы, безумоўна, настроены на тое, каб праводзіць у поўным аб'ёме ацэнку бяспекі. Стрэс-тэсты - гэта адна са сфер ацэнкі бяспекі пры эстрэмальных уздзеяннях, таму іх правядзенне вельмі важна, каб быць упэўненымі ва ўсіх аспектах бяспекі нашай станцыі", - адзначыла Вольга Лугаўская.

Начальнік Дзяржатамнагляду падзякавала прадстаўнікам Еўракамісіі, якія наведвалі Беларусь 19-20 верасня, за падрабязныя і паслядоўныя растлумачэнні ўсіх працэдур правядзення стрэс-тэстаў у Еўрапейскім саюзе.

"Мы атрымалі вялікую колькасць інфармацыі, задалі ўсе пытанні, якія цікавілі, - расказала Вольга Лугаўская. - Вядома ж, мы гатовы прымаць дапамогу Еўрапейскага саюза. Мы цяпер вельмі актыўна працуем з нашымі еўрапейскімі калегамі, у нас выконваюцца праекты міжнароднай тэхнічнай дапамогі па лініі ЕС. Любая дапамога з боку вопытных калег, безумоўна, карысная".