Падзеі
Дэлегацыя Пензенскай вобласці наведае Беларусь 18-19 лютага
11 лютага, Масква /Эдуард Півавар - БЕЛТА/. Дэлегацыя афіцыйных і дзелавых колаў Пензенскай вобласці наведае Беларусь 18-19 лютага, паведамілі БЕЛТА ў прэс-службе пасольства Беларусі ў Расіі.
Узначаліць дэлегацыю старшыня ўрада Пензенскай вобласці Міхаіл Касой.
У час візіту плануецца падпісанне пратакола аб намерах супрацоўніцтва паміж Гомельскім аблвыканкамам і ўрадам Пензенскай вобласці.
Члены дэлегацыі 18 лютага наведаюць Магілёўскую вобласць, а 19 лютага - Гомельскую. Праграмай візіту прадугледжваецца правядзенне сустрэч з кіраўніцтвам аблвыканкамаў, азнаямленне з дзейнасцю і перагаворы ў ААТ "Магілёўліфтмаш", ААТ "Бабуліна крынка", ААТ "Гомсельмаш", ААТ "Гомельскі хімічны завод", ААТ "Мілкавіта".
Візіт пензенскай дэлегацыі пройдзе ў адпаведнасці з дамоўленасцямі, дасягнутымі ў час візіту ў гэты расійскі рэгіён 9 снежня 2014 года Надзвычайнага і Паўнамоцнага Пасла Беларусі ў Расіі Ігара Петрышэнкі.
версія для друку
зрабіць стартавай
дабавіць у выбранае