Падзеі
Дэлегацыя Беларусі прыняла ўдзел у канферэнцыі па пытаннях правядзення аперацый ААН па падтрыманні міру
29 сакавіка, Мінск /Аліна Грышкевіч - БЕЛТА/. Дэлегацыя Беларусі на чале з намеснікам дзяржаўнага сакратара Савета Бяспекі Станіславам Засем прыняла ўдзел у канферэнцыі кіраўнікоў абаронных ведамстваў па пытаннях правядзення аперацый ААН па падтрыманні міру, праведзеных 27 сакавіка ў штаб-кватэры ААН у Нью-Ёрку. Аб гэтым карэспандэнту БЕЛТА паведамілі ў Дзяржаўным сакратарыяце Савета Бяспекі Рэспублікі Беларусь.
На міжнародным форуме было прадстаўлена больш за 100 краін, якія ўдзельнічаюць у аперацыях ААН па падтрыманні міру (АПМ). У ходзе канферэнцыі адзначана, што сёння аперацыі па падтрыманні міру ААН праводзяцца ў больш складанай комплекснай абстаноўцы, што ў сваю чаргу патрабуе ад міратворцаў новых падыходаў да падрыхтоўкі, тэхнічнага аснашчэння, а таксама выкарыстання больш складанага абсталявання і тэхнікі.
28 сакавіка адбылася сустрэча Станіслава Зася з намеснікам генеральнага сакратара ААН па пытаннях правядзення міратворчых аперацый Эрве Ладсусам і саветнікам па пытаннях аперацый па падтрыманні міру Ахмедам Максудам. Удзельнікі сустрэчы абмеркавалі перспектывы пашырэння ўдзелу Беларусі ў АПМ ААН.
версія для друку
зрабіць стартавай
дабавіць у выбранае