Падзеі
Дэлегацыя Беларусі ўдзельнічае ў сесіі Савета ААН па правах чалавека ў Жэневе
1 сакавіка, Мінск /Кар. БЕЛТА/. Беларуская дэлегацыя на чале з пастаянным прадстаўніком Беларусі ў Жэневе Юрыем Амбразевічам прымае ўдзел у 31-й сесіі Савета Арганізацыі Аб'яднаных Нацый па правах чалавека (СПЧ), якая пачала сваю работу 29 лютага ў Жэневе. Аб гэтым БЕЛТА паведамілі ў прэс-службе беларускага МЗС.
У час сесіі будуць арганізаваны 9 тэматычных дыскусій, уключаючы штогадовае пасяджэнне па правах дзіцяці, інтэрактыўнае абмеркаванне па правах інвалідаў, дыскусію па правах людзей, якія жывуць з ВІЧ/СНІД. Будуць абмяркоўвацца таксама пытанні прыцягнення вопыту і іншага садзейнічання міжнароднай супольнасці для пашырэння правоў чалавека ў нацыянальных дзяржаўна-палітычных сістэмах.
З нагоды 10-годдзя Савета па правах чалавека ў ходзе сегмента высокага ўзроўню сесіі адбыліся выступленні старшыні Генеральнай Асамблеі ААН Могенса Люкетафта, Генеральнага сакратара ААН Пан Гі Муна, Генеральнага дырэктара ЮНЕСКА Ірыны Бокавай, Адміністратара ПРААН Хелен Кларк.
версія для друку
зрабіць стартавай
дабавіць у выбранае