Падзеі
Чэн Гапін: Візіт Сі Цзіньпіна ў Беларусь дасць магчымасць вывесці беларуска-кітайскае стратэгічнае партнёрства на новы ўзровень
4 мая, Пекін /Аліна Грышкевіч - БЕЛТА/. Дзяржаўны візіт Старшыні КНР Сі Цзіньпіна ў Беларусь дасць магчымасць вывесці ўсебаковае беларуска-кітайскае стратэгічнае партнёрства на новы, яшчэ больш высокі ўзровень. Аб гэтым заявіў намеснік міністра замежных спраў Кітайскай Народнай Рэспублікі Чэн Гапін на сустрэчы з прадстаўнікамі беларускіх СМІ ў Пекіне, адказваючы на пытанне карэспандэнта БЕЛТА.
Намеснік міністра падкрэсліў, што Сі Цзіньпін наведае Мінск па запрашэнні Прэзідэнта Беларусі Аляксандра Лукашэнкі. Гэта першы візіт Старшыні КНР за апошнія 14 гадоў. Паводле слоў Чэн Гапіна, можна чакаць, што ў час візіту адбудзецца грунтоўны абмен меркаваннямі паміж Сі Цзіньпінам і Аляксандрам Лукашэнкам па важных пытаннях міжнароднага парадку дня і рэгіянальнай праблематыцы. Плануецца абмеркаванне пытанняў палітычнага і эканамічнага супрацоўніцтва.
версія для друку
зрабіць стартавай
дабавіць у выбранае