Падзеі

Брылёў абмеркаваў з членамі таварыства сербска-беларускай дружбы захаванне гістарычнай спадчыны

Фота з архiва

2 жніўня, Мінск /Кар. БЕЛТА/. Надзвычайны і Паўнамоцны Пасол Беларусі ў Сербіі Валерый Брылёў сустрэўся з прафесарам гісторыі Радмілай Танковіч і актывісткай таварыства сербска-беларускай дружбы Зорыцай Пелеш. Аб гэтым карэспандэнту БЕЛТА расказалі ў беларускай загранустанове ў Сербіі.

Былі закрануты пытанні развіцця і ўмацавання народнай дыпламатыі, а таксама праблемы ўзаемадзеяння ў культурнай, навуковай і адукацыйнай галінах. Асаблівая ўвага ўдзелена захаванню гістарычнай спадчыны і догляду помнікаў часоў Другой сусветнай вайны на тэрыторыі Сербіі.

Валерый Брылёў праінфармаваў аб тым, што супрацоўнікі пасольства даглядаюць некалькі помнікаў чырвонаармейцам родам з Беларусі, сярод якіх Герой Савецкага Саюза Уладзімір Гушча.

Прафесар перадала ў дар пасольству сваю манаграфію аб выдатных лётчыках сучаснасці - Героях Савецкага Саюза, а таксама кнігу аб ахвярах сербскага народа з ХХ стагоддзі.

версія для друку

зрабіць стартавай

дабавіць у выбранае