Падзеі

Беларускія цацкі і шакалад. Пасольства Беларусі прыняло ўдзел у дабрачынным кірмашы ў Анкары

Фота пасольства Рэспублікі Беларусь у Турцыі

12 снежня, Мінск /Кар. БЕЛТА/. Беларусь прыняла ўдзел у Калядным дабрачынным кірмашы ў Анкары, які штогод арганізуецца Асацыяцыяй жонак кіраўнікоў дыпламатычных місій пры непасрэднай падтрымцы Міністэрства замежных спраў Турцыі. Аб гэтым карэспандэнту БЕЛТА расказалі ў пасольстве Рэспублікі Беларусь у Турцыі.

Гэты кірмаш праводзіцца з 1981 года і карыстаецца папулярнасцю ў турэцкай публікі. У бягучым годзе ў мерапрыемстве прынялі ўдзел больш за 40 краін. Дыпламатычныя місіі прадставілі гасцям традыцыйныя нацыянальныя стравы, сувеніры і іншыя вырабы, якія адлюстроўваюць самабытнасць кожнай краіны.

На стэндзе пасольства Беларусі можна было знайсці багаты выбар падарункаў і сувеніраў да маючых адбыцца навагодніх свят - цацкі "Палессе", прадукцыю "Белалка", Мінскага завода пеністых він і "Лідскага піва", прысмакі "Спартака" і "Камунаркі". У ходзе каляднага кірмашу прагучалі беларускія песні.

Беларускі стэнд у ліку шматлікіх гасцей наведаў намеснік міністра замежных спраў Турцыі Бурак Акчапар.

Гэта мерапрыемства стала не толькі месцам сустрэчы сяброў Беларусі, але і дало магчымасць кожнаму ўнесці свой уклад у добрыя справы. Выручаныя ў ходзе каляднага кірмашу сродкі пойдуць на падтрымку сацыяльных праектаў у Турцыі.

версія для друку

зрабіць стартавай

дабавіць у выбранае