Падзеі

Беларускага дыпламата ў Бразіліі ўзнагародзілі тытулам "Пасол года"

Сяргей Лукашэвіч. Фота з архіва

22 снежня, Мінск /Кар. БЕЛТА/. Бразільская Асацыяцыя журналістаў у сферы міжнародных і дыпламатычных адносін "АБРАЖІНТЭР" узнагародзіла Надзвычайнага і Паўнамоцнага Пасла Рэспублікі Беларусь у Федэратыўнай Рэспубліцы Бразілія Сяргея Лукашэвіча тытулам "Пасол года" ў знак прызнання заслуг па ўмацаванні супрацоўніцтва паміж Беларуссю і Бразіліяй у сферы сродкаў масавай інфармацыі і масавых камунікацый. Аб гэтым БЕЛТА паведамілі ў прэс-службе МЗС Беларусі.

Тытул быў заснаваны Асацыяцыяй "АБРАЖІНТЭР" у якасці грамадскага прызнання за работу найбольш актыўных кіраўнікоў замежных дыпламатычных місій у сталічным Бразіліа, уклад у наладжванне адносін, кансалідацыю дыпламатычнай супольнасці і ўмацаванне культурных і камерцыйных сувязей з Бразіліяй.

версія для друку

зрабіць стартавай

дабавіць у выбранае