Падзеі

Беларусь зацікаўлена ў вывядзенні адносін з Іракам на новы стратэгічны ўзровень

9 красавіка, Мінск /Уладзімір Мацвееў - БЕЛТА/. Беларусь зацікаўлена ў вывядзенні адносін з Іракам на новы стратэгічны ўзровень. Аб гэтым сёння заявіў міністр замежных спраў Беларусі Уладзімір Макей на перагаворах з міністрам замежных спраў Ірака Ібрагімам Аль-Джафары, перадае карэспандэнт БЕЛТА.

"Беларусь высока цэніць традыцыйна дружалюбныя адносіны з Іракам і разглядае вашу краіну як значнага партнёра ў рэгіёне Блізкага Усходу", - заявіў кіраўнік знешнепалітычнага ведамства. Паводле слоў Уладзіміра Макея, нягледзячы на складаную абстаноўку ў гэтым рэгіёне, у Беларусі лічаць, што патэнцыял двухбаковага супрацоўніцтва з Іракам далёка не вычарпаны. "Беларускі бок зацікаўлены ў актыўным развіцці двухбаковага ўзаемадзеяння і кантактаў, вывядзенні на новы стратэгічны ўзровень беларуска-іракскіх адносін", - заявіў ён.

"Упэўнены, што ваш візіт стане важным крокам на шляху паглыблення ўсебаковага супрацоўніцтва і надасць новы імпульс нашым адносінам", - дадаў міністр.

У сваю чаргу кіраўнік МЗС Ірака таксама падкрэсліў наяўнасць вялікіх перспектыў для развіцця двухбаковых адносін і выказаў зацікаўленасць у вывучэнні і выкарыстанні беларускага вопыту ў шэрагу галін эканомікі.

версія для друку

зрабіць стартавай

дабавіць у выбранае