Падзеі

4 снежня, Мінск /Кар. БЕЛТА/. Беларусь зацікаўлена ў рэалізацыі сумесных прыродаахоўных праектаў з Італіяй. Аб гэтым ішла размова на сустрэчы міністра прыродных рэсурсаў і аховы навакольнага асяроддзя Беларусі Андрэя Худыкі з Надзвычайным і Паўнамоцным Паслом Італіі ў Беларусі Стэфана Б'янкі. Такая інфармацыя размешчана на сайце Мінпрыроды, паведамляе БЕЛТА.

Андрэй Худык падкрэсліў зацікаўленасць беларускага боку ў развіцці ўзаемадзеяння з Італіяй у сферы аховы навакольнага асяроддзя, магчымай рэалізацыі сумесных прыродаахоўных праектаў, а таксама прыцягненні італьянскіх кампаній да інвестыцыйных праектаў у галіне абыходжання з адходамі, кіравання воднымі рэсурсамі, клімату і зялёнай эканомікі.

На сустрэчы таксама абмяркоўвалася супрацоўніцтва Мінпрыроды з пасольствам Італіі ў прыцягненні ў Беларусь замежнага экспертнага і тэхнічнага патэнцыялу для развіцця зялёнай эканомікі ў краіне. Акрамя таго, міністр прапанаваў італьянскаму боку прыняць удзел у тэматычнай секцыі "Экалагічныя тэхналогіі" ў час бізнес-форуму ЦЕІ "Энергаэфектыўныя і экалагічныя тэхналогіі" і адзначыў, што ўдзел італьянскіх кампаній у гэтай тэматычнай секцыі дасць магчымасць выявіць новыя перспектыўныя напрамкі ўзаемадзеяння.

Бакі выказалі ўпэўненасць у далейшым развіцці плённага супрацоўніцтва паміж Беларуссю і Італіяй у галіне аховы навакольнага асяроддзя.