Падзеі

Беларусь зацікаўлена ў актывізацыі міжпарламенцкіх сувязей з Пакістанам

16 лютага, Мінск /Кар. БЕЛТА/. Роля парламентарыяў у сучасным свеце ўзрастае ў значнай ступені, заявіла старшыня Савета Рэспублікі Наталля Качанава ў час сустрэчы з Надзвычайным і Паўнамоцным Паслом Ісламскай Рэспублікі Пакістан у Рэспубліцы Беларусь Саджадам Хайдэрам Ханам, перадае карэспандэнт БЕЛТА.

"Вядома, для нас вельмі важна міжпарламенцкае ўзаемадзеянне паміж нашымі краінамі, якое заўсёды служыць надзейным гарантам добрага развіцця міждзяржаўных адносін паміж нашымі краінамі. У Нацыянальным Сходзе Рэспублікі Беларусь працуе рабочая група па супрацоўніцтве з Пакістанам. І мы спадзяёмся, што ў бліжэйшы час (будзем разлічваць на гэта) такая ж рабочая група адновіць работу і ў парламенце Пакістана. Таму што такая група была ўжо і працавала", - сказала Наталля Качанава.

Роля парламентарыяў у сучасным свеце ўзрастае ў значнай ступені, адзначыла спікер. "І мы ўдзячныя пакістанскаму боку за запрашэнне Нацыянальнага сходу Рэспублікі Беларусь прыняць удзел у юбілейных мерапрыемствах, што будуць праходзіць з нагоды 50-годдзя ўтварэння парламента Пакістана і канферэнцыі па змяненні клімату, якая пройдзе ў сакавіку. Я хачу сказаць, што мы разглядаем удзел беларускага боку ў гэтых мерапрыемствах. Дзякуй за запрашэнне. Мы са свайго боку будзем рады візіту ў нашу краіну парламентарыяў Пакістана для таго, каб сапраўды аднавіць вось гэтыя добрыя, дружалюбныя адносіны, якія звязвалі нашых парламентарыяў", - падкрэсліла старшыня Савета Рэспублікі.

версія для друку

зрабіць стартавай

дабавіць у выбранае