Падзеі
Беларусь у ААН зноў заклікала да неадкладнага пачатку перагавораў аб устанаўленні міру ва Украіне
23 лютага, Мінск /Кар. БЕЛТА/. Беларусь у ААН зноў заклікала да неадкладнага пачатку перагавораў аб устанаўленні міру ва Украіне. Аб гэтым заявіў пастаянны прадстаўнік Беларусі пры Арганізацыі Аб'яднаных Нацый Валянцін Рыбакоў у ходзе 11-й надзвычайнай спецыяльнай сесіі Генеральнай асамблеі ААН, перадае карэспандэнт БЕЛТА.
"Мы, Рэспубліка Беларусь, верым у тое, што адзіным шанцам спынення канфлікту з'яўляецца неадкладны пачатак перагавораў без якіх-небудзь папярэдніх умоў. Аб гэтым у прыватнасці неаднаразова, практычна ў кожным сваім выступленні, гаворыць Прэзідэнт Рэспублікі Беларусь Аляксандр Лукашэнка на працягу ўсяго канфлікту", - сказаў дыпламат.
Беларускі бок на пасяджэнні прадставіў дзве папраўкі да праекта рэзалюцыі "Прынцыпы Статута Арганізацыі Аб'яднаных Нацый, якія ляжаць у аснове дасягнення ўсёабдымнага, справядлівага і трывалага міру ва Украіне".
"Наша першая папраўка мае мэтай вывесці рэзалюцыю з шэрай зоны паўпраўды, калі ў пагоні за яркімі выказваннямі скажаюцца факты. Напрыклад, пяты параграф прэамбулы апісвае дзеянні Расіі як "поўнамаштабнае ўварванне ва Украіну", што, з нашага пункту гледжання, не адпавядае рэчаіснасці", - сказаў беларускі дыпламат.
Ён растлумачыў, што калі б Расія не абмежавалася правядзеннем спецыяльнай ваеннай аперацыі і ажыццявіла б, як сказана ў рэзалюцыі, "поўнамаштабнае ўварванне", асабліва з выкарыстаннем усяго даступнага ваеннага патэнцыялу, то любая краіна магла б пасля гэтага існаваць усяго на працягу некалькіх гадзін або нават мінут.
"Гэта ніколі не заяўлялася кіраўніцтвам Расіі ў якасці мэты спецыяльнай ваеннай аперацыі", - звярнуў увагу Валянцін Рыбакоў.
Ён нагадаў, што на пасяджэнні Савета Бяспекі ААН 17 лютага 2023 года Беларусь прывяла цытаты былых кіраўнікоў дзяржаў і ўрадаў з ліку Нармандскай чацвёркі, якія нядаўна публічна прызналі той факт, што яны першапачаткова не былі зацікаўлены ў міры ва Украіне, калі заключалі дамоўленасці пакета "Мінск-2" у лютым 2015 года. "Мы лічым хлусню ў ходзе перагавораў па мірным урэгуляванні, асабліва на такім узроўні, абсалютна непрымальнай. Мы ўпэўнены, што Генеральная асамблея павінна асудзіць безадказныя дзеянні тых палітыкаў, якія адыгралі пэўную ролю ў стварэнні перадумоў для бягучага канфлікту", - заявіў беларускі дыпламат.
Яшчэ адна прапанаваная папраўка датычылася ўключэння ў тэкст дакумента важнейшага элемента для мірнага ўрэгулявання. "Мы лічым альбо трагічным недаглядам з боку аўтараў і суаўтараў гэтага тэкста, альбо іх мэтанакіраваным актам тое, што ў праекце рэзалюцыі, якая накіравана на "дасягненне ўсёабдымнага, справядлівага і трывалага міру на Украіне", няма закліку да правядзення мірных перагавораў. Рэспубліка Беларусь заклікае да гэтага з самых першых дзён канфлікту. Нават задоўга да канфлікту мы рабілі тое ж самае", - сказаў Валянцін Рыбакоў.
Ён нагадаў, што менавіта дзякуючы намаганням Прэзідэнта Беларусі ў лютым - сакавіку 2022 года ўдалося арганізаваць некалькі раўндаў перагавораў Кіева і Масквы на тэрыторыі Беларусі, што тады ўсяляла асцярожны аптымізм. "Зрыў гэтых перагавораў, а таксама далейшае начыненне Украіны, зоны баявых дзеянняў узбраеннямі, прыводзіць да зацягвання процістаяння. Усё гэта прыводзіць да эскалацыі баявых дзеянняў, да новых ахвяр, а таксама аддаляе перспектывы міру на Украіне", - заявіў прадстаўнік Беларусі.
Не меншую заклапочанасць выклікаюць безадказныя заявы асобных палітычных дзеячаў аб гатоўнасці перадаць у распараджэнне Украіны лятальную зброю аж да зброі масавага знішчэння. "Рэалізацыя такіх планаў немінуча прывядзе да новага вітка эскалацыі і незлічоных ахвяр з адчувальнай перспектывай глабальнага канфлікту. Гэтага дапусціць нельга ні ў якім разе", - заявіў пастаянны прадстаўнік Беларусі.
версія для друку
зрабіць стартавай
дабавіць у выбранае