Падзеі

"Мінулую чвэрць стагоддзя нашы краіны вялі даволі канструктыўны дыялог, заснаваны на прынцыпах узаемнай павагі і раўнапраўнага партнёрства, ствараючы трывалую аснову для далейшага паслядоўнага ўмацавання двухбаковых сувязей", - гаворыцца ў пасланні.

У ім таксама адзначаецца, што Беларусь і Манголія маюць падобныя погляды па многіх актуальных пытаннях міжнароднага парадку дня. "Гэта добрая перадумова для пашырэння ўзаемадзеяння ў двухбаковым і шматбаковым фарматах. Упэўнены, што сумеснымі намаганнямі знешнепалітычных ведамстваў Рэспублікі Беларусь і Манголіі пытанні, важныя для нашых краін і міжнароднай супольнасці, будуць і ў далейшым эфектыўна вырашацца, а беларуска-мангольскія адносіны - плённа развівацца на карысць народаў нашых дзяржаў", - адзначыў міністр.

Як паведамілі ў прэс-службе МЗС Беларусі, у ходзе сустрэчы пасла Беларусі ў Манголіі Станіслава Чапурнога з дзяржаўным сакратаром Міністэрства замежных спраў Манголіі Дамдзінсурэнгійн Даваасурэнам адбыўся абмен пасланнямі міністраў замежных спраў з нагоды 25-годдзя дыпадносін. На сустрэчы абмеркаваны таксама актуальныя пытанні двухбаковага парадку дня і ўзаемадзеянне Беларусі і Манголіі ў міжнародных арганізацыях.