Падзеі

"Вы прапанавалі вельмі добрую рэч, і, калі гэта магчыма, я гатовы скарыстацца ёю, каб і на міждзяржаўным узроўні аднавіць нашы актыўныя кантакты. І, вядома ж, я буду разлічваць на тое, што вы, як чалавек уплывовы ў рэгіёне, як адзін з кіраўнікоў Міжнароднага алімпійскага камітэта, кіраўнік азіяцкай арганізацыі, можаце нам вельмі сур'ёзна дапамагчы. А калі ў вас будзе жаданне, каб Беларусь неяк прыняла больш актыўны ўдзел і ў спартыўным руху, і ў эканоміцы, можа, у бізнесе, то мы гатовы падтрымаць вас у гэтым плане і тыя дзяржавы, якія вы парэкамендуеце. Такі прагматызм нашай сустрэчы", - заявіў беларускі лідар.

Аляксандр Лукашэнка дадаў, што Беларусь гатова да сур'ёзнага ўзаемадзеяння ў імя развіцця кантактаў як у эканоміцы, так і ў палітыцы, і ў спорце.

У сваю чаргу шэйх Ахмад аль-Фахад аль-Сабах выказаў Аляксандру Лукашэнку высокі ўзровень павагі як лідару краіны. Ён падкрэсліў, што з моманту набыцця Беларуссю незалежнасці зарадзіліся і адносіны рэспублікі з яго рэгіёнам. "У прыватнасці, з маёй краінай - Кувейтам і маёй сям'ёй", - адзначыў шэйх.

Ён падкрэсліў, што для яго вялікім гонарам з'яўляецца быць часткай памкненняў Беларусі па развіцці адносін з краінамі рэгіёна па шырокім коле пытанняў, пачынаючы ад эканомікі і прамысловай кааперацыі, заканчваючы ўзаемадзеяннем у сферы спорту.

Шэйх Ахмад аль-Фахад аль-Сабах уручыў Прэзідэнту Беларусі ордэн Асацыяцыі нацыянальных алімпійскіх камітэтаў.

Праз некаторы час да сустрэчы далучыўся прэзідэнт Нацыянальнага алімпійскага камітэта Арменіі Гагік Царукян. Ён паднёс кіраўніку беларускай дзяржавы падарунак ад НАК Арменіі ў гонар 25-годдзя НАК Беларусі і правядзення ў нашай краіне Еўрапейскіх гульняў у 2019 годзе з пажаданнямі ў будучым прыняць Алімпіяду.