Падзеі
Беларусь прыме ўдзел у саміце Асацыяцыі карыбскіх дзяржаў у чэрвені
26 мая, Мінск /Святлана Саўко - БЕЛТА/. Намеснік міністра замежных спраў Беларусі Яўген Шэстакоў прыме ўдзел у пасяджэннях саміту Асацыяцыі карыбскіх дзяржаў у час свайго візіту ў Рэспубліку Куба 2-5 чэрвеня. Аб гэтым сёння журналістам паведаміў начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
У час свайго візіту на Кубу Яўген Шэстакоў правядзе двухбаковыя кансультацыі па палітычных і гандлёва-эканамічных пытаннях з кіраўніцтвам МЗС і Міністэрства знешняга гандлю і замежных інвестыцый Кубы. Акрамя гэтага, на палях саміту намеснік міністра правядзе перагаворы з дэлегацыяй Мексікі.
Беларусь атрымала статус наглядальніка ў Асацыяцыі карыбскіх дзяржаў у студзені 2016 года.
Візіт Яўгена Шэстакова прызначаны садзейнічаць пашырэнню ўзаемадзеяння Беларусі з краінамі Лацінскай Амерыкі і Карыбскага басейна. "Куба - стратэгічны знешнепалітычны партнёр Беларусі на міжнароднай арэне і адзін з важнейшых саюзнікаў у Заходнім паўшар'і", - нагадаў Дзмітрый Мірончык. Цяпер дасягнуты значныя поспехі ў развіцці двухбаковых сувязей Беларусі і Кубы, створана шырокая інфраструктура міждзяржаўных кантактаў, ажыццяўляецца міжпарламенцкі дыялог, сфарміравана значная дагаворна-прававая база двухбаковага супрацоўніцтва.
версія для друку
зрабіць стартавай
дабавіць у выбранае