Падзеі

Беларусь прапануе РФ правесці VII Форум рэгіёнаў у Мінску і Мінскай вобласці

Наталля Качанава. Фота з архіва

30 снежня, Мінск /Кар. БЕЛТА/. Беларусь прапануе Расіі правесці ў 2020 годзе VII Форум рэгіёнаў у Мінску і Мінскай вобласці. Аб гэтым 29 снежня ў праграме "Контуры" на АНТ расказала старшыня Савета Рэспублікі Наталля Качанава, паведамляе карэспандэнт БЕЛТА.

Спікер праінфармавала, што беларускі бок накіраваў расійскаму свае прапановы па тэматыцы форуму, часе і месцы яго правядзення. "Хутчэй за ўсё, гэта будзе восень, Мінск і Мінская вобласць", - сказала Наталля Качанава.

Яна выказала ўпэўненасць, што верхнія палаты парламентаў Беларусі і Расіі прадоўжаць плённае супрацоўніцтва. Наталля Качанава адзначыла, што не першы год ведае старшыню Савета Федэрацыі Федэральнага Сходу Расіі Валянціну Мацвіенка. Яна першай павіншвала спікера верхняй палаты беларускага парламента з выбраннем на гэту пасаду. "У нас будуць складвацца добрыя адносіны, накіраваныя на супрацоўніцтва паміж нашымі парламентарыямі", - лічыць Наталля Качанава.

Спікер закранула задачы, якія стаяць перад Нацыянальным сходам сёмага склікання. Яна нагадала, што іх выразна вызначыў Прэзідэнт 5 снежня на сустрэчы з парламентарыямі. "Самае галоўнае - гэта людзі, справядлівае стаўленне да іх. Усе прымаемыя рашэнні павінны быць на карысць дзяржавы", - падкрэсліла Наталля Качанава.

Наступны год яна назвала асаблівым. Ён завяршае бягучую пяцігодку. Трэба будзе сфарміраваць план эканамічнага развіцця на 2021-2025 гады, правесці прэзідэнцкія выбары і адзначыць 75-годдзе Перамогі ў Вялікай Айчыннай вайне. "Год будзе няпростым, але вельмі цікавым", - рэзюмавала старшыня Савета Рэспублікі.

версія для друку

зрабіць стартавай

дабавіць у выбранае