Падзеі
Беларусь прапануе Кіпру сфарміраваць доўгатэрміновыя механізмы супрацоўніцтва
5 кастрычніка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка лічыць неабходным Беларусі і Кіпру сфарміраваць доўгатэрміновыя механізмы супрацоўніцтва. Аб гэтым ён заявіў сёння, прымаючы даверчыя граматы Надзвычайнага і Паўнамоцнага Пасла Рэспублікі Кіпр у Беларусі па сумяшчальніцтве Георгіяса Касулідзіса, перадае карэспандэнт БЕЛТА.
Аляксандр Лукашэнка адзначыў, што ў Беларусі добра ведаюць сонечны і гасцінны Кіпр. "Спадзяюся, што нашы кантакты будуць умацоўвацца і развівацца не толькі ў галіне турызму, але і ў іншых сферах, якія ўяўляюць узаемны інтарэс", - сказаў кіраўнік беларускай дзяржавы.
Прымаючы даверчыя граматы Надзвычайнага і Паўнамоцнага Пасла Румыніі ў Беларусі Віярэла Машану, Прэзідэнт падкрэсліў, што для Беларусі важна актывізацыя двухбаковага супрацоўніцтва з Румыніяй у палітычнай, эканамічнай і гуманітарнай сферах. На яго думку, шырокая прастора для гэтага ёсць у такіх галінах, як будаўніцтва, транспарт, фармацэўтыка, харчовая прамысловасць, сельская гаспадарка, турызм, а таксама ў галіне навукі, адукацыі і культуры.
версія для друку
зрабіць стартавай
дабавіць у выбранае