Падзеі

Беларусь і Венесуэла пацвердзілі пазітыўную дынаміку палітычнага ўзаемадзеяння

Фота МЗС

11 верасня, Мінск /Кар. БЕЛТА/. Намеснік міністра замежных спраў Рэспублікі Беларусь Яўген Шэстакоў правёў сустрэчу з намеснікам міністра замежных спраў Баліварыянскай Рэспублікі Венесуэла па справах Еўропы - Надзвычайным і Паўнамоцным Паслом Баліварыянскай Рэспублікі Венесуэла ў Рэспубліцы Беларусь Франклінам Рамірэсам Араке. Аб гэтым карэспандэнту БЕЛТА паведамілі ў беларускім знешнепалітычным ведамстве.

У ходзе сустрэчы бакі пацвердзілі нязменна дружалюбны характар і пазітыўную дынаміку палітычнага ўзаемадзеяння паміж дзвюма краінамі як у двухбаковым фармаце, так і на міжнародных пляцоўках.

Прадметна былі абмеркаваны бягучы стан беларуска-венесуэльскага гандлёва-эканамічнага супрацоўніцтва, перспектывы далейшага развіцця дагаворна-прававой базы адносін. Акрамя таго, размова ішла аб пытаннях арганізацыі і правядзення да канца 2023 года шэрага сумесных мерапрыемстваў высокага ўзроўню.

версія для друку

зрабіць стартавай

дабавіць у выбранае