Падзеі

Беларусь і Венесуэла маюць намер актывізаваць дзейнасць сумесных вытворчасцей

15 сакавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла Андрэй Молчан сустрэўся з віцэ-прэзідэнтам Венесуэлы па пытаннях планавання Рыкарда Менендэсам і міністрам прамысловасці і нацыянальнай вытворчасці гэтай краіны Хасэ Б'ёмархі. Аб гэтым карэспандэнту БЕЛТА расказалі ў беларускай дыпламатычнай місіі ў Каракасе.

"На перагаворах бакі абмеркавалі ход рэалізацыі дамоўленасцей, якія былі дасягнуты ў рамках праведзенага ў снежні 2021 года VIII пасяджэння сумеснай беларуска-венесуэльскай камісіі высокага ўзроўню", - гаворыцца ў паведамленні.

На сустрэчы асаблівая ўвага была ўдзелена працэсу актывізацыі дзейнасці беларуска-венесуэльскіх вытворчасцей. Акрамя таго, размова ішла аб першачарговых мерах па нарошчванні гандлёва-эканамічнага ўзаемадзеяння паміж дзвюма краінамі.

Дыпламатычныя адносіны паміж дзвюма краінамі ўстаноўлены 4 лютага 1997 года. У снежні 2006 года адкрыта пасольства Венесуэлы ў Беларусі, у кастрычніку 2007 года - пасольства Беларусі ў Венесуэле.

версія для друку

зрабіць стартавай

дабавіць у выбранае