Падзеі

20 ліпеня, Мінск /Кар. БЕЛТА/. Беларусь і Узбекістан абмеркавалі перспектывы актывізацыі работы па пашырэнні дагаворна-прававой базы. Аб гэтым БЕЛТА паведамілі ў прэс-службе МЗС па выніках сустрэчы Надзвычайнага і Паўнамоцнага Пасла Беларусі ва Узбекістане Леаніда Марыніча з міністрам замежных спраў Узбекістана Абдулазізам Камілавым.

На пасяджэнні бакі разгледзелі падрыхтоўку мерапрыемстваў па развіцці беларуска-ўзбекскага палітычнага дыялогу, у тым ліку на вышэйшым узроўні. Кіраўнік знешнепалітычнага ведамства Узбекістана адзначыў станоўчую дынаміку ўзаемадзеяння паміж дзвюма краінамі, а таксама адсутнасць праблемных пытанняў у двухбаковым парадку дня.

Беларусь і Узбекістан узгаднілі падыходы адносна чарговага пасяджэння сумеснай міжурадавай камісіі па двухбаковым супрацоўніцтве, якое пройдзе ў Ташкенце.