Падзеі

26 лістапада, Мінск /Кар. БЕЛТА/. Беларусь і Швецыя абмеркавалі падыходы да перспектыў далейшага развіцця "Усходняга партнёрства". Гэта тэма разглядалася на сустрэчы намесніка міністра замежных спраў Беларусі Алега Краўчанкі з паслом Швецыі ў Беларусі Крысцінай Юханесан, паведамілі БЕЛТА ў прэс-службе беларускага знешнепалітычнага ведамства.

Бакі абмеркавалі тэматыку праекта Еўрапейскага саюза "Усходняе партнёрства", суініцыятарам якога з'яўляецца Швецыя, бягучыя пытанні і вынікі дзейнасці ініцыятывы, а таксама мерапрыемствы, запланаваныя ў сувязі з яе будучым 10-годдзем, падыходы Беларусі і Швецыі да перспектыў развіцця праекта.